Ish-kryeministri Sali Berisha ka dalë në një thirrje të fortë sot për qeverinë. Përmes një postimi në rrjetin social Facebook ai ngre si shqetësim të madh rritjen e çmimeve në vend. Sipas tij qeveria duhet të marrë menjëherë masa, pasi rritja e çmimeve iu jepe goditjen e fundit të varfërve dhe pasuron oligarkët.
“Rritje alarmante e çmimeve te ushqimeve dhe transportit. Ne prill çmimet e ushqimeve dhe shërbimeve baze u rriten nga 10 -22 përlind ne Shqipëri! Bordet apo shushunjat e qeverise kontribuojnë me veprimtarinë e tyre ne rritjen e çmimeve dhe përligjen e saj. Më të ekspozuarit përballë rritjes së çmimeve janë shtresat e varfra të cilat shpenzojnë më shumë se 50% të buxhetit të tyre në këto produkte dhe shërbime. Qeveria ne vend se indeksoje dhe kompensoje çdo qindarke për rritjen e çmimeve ka vendosur bordet si mburoje te vetes dhe oligarkëve, te cilat te blera nga oligarkët vetëm përligjin rritjen e papërmbajtur te çmimeve”, shkruan Berisha.
Sipas Berishës të varfrit nuk do sigurojnë ushqimet as për mbijetesë, pasi shpenzojnë shumë se 50% të buxhetit të tyre në këto produkte dhe shërbime.
Discussion about this post