Në një konferencë për mediat që po zhvillon aktualisht, ministrja e Financave Delina Ibrahiaj tha se Bordi po punon për të stabilizuar situatën në vend. Gjithsesi ajo tha e prerë se qeveria nuk mund të ndërhyjë në ndryshimin e çmimeve, por tha se Bordi po sheh një mundësi që të përcaktojë një nivel të pranueshëm për shportën bazë të ushqimeve
“Ne nuk mund të kontrollojmë çmimin sepse në Shqipëri vjen nga inflacioni. Nuk mund të vendosim çmimet që do donim pasi operojmë në ekonomi tregu dhe kjo shfaq dukuritë që përcillen nga jashtë. Në ditët në vijim do ju mbajmë të informuar mbi aktivitetin e bordit. Do ketë mekanizëm që do përcaktojë kontrollimin e tregtarëve me pakicë në këtë situatë lufte. Do përpiqemi që konsumatori shqiptar të paguajë minimumin e mundshëm, pra të vendosim një prag për shportën bazë”, tha ajo.
Ndër të tjera ministrja u shpreh se Bordi ka vendosur një garanci që do të përdoret nga tregtarët kryesorë me qëllim që të garantojmë blerjet e tyre. Të gjitha këto shkojnë me qëllimin kryesor që familjet shqiptare të paguajnë atë që duhet të paguajnë, pa abuzime.
Discussion about this post