Kosovarët po zgjedhin bregdetin e Shqipërisë për të kaluar pushimet. Këtë të premte kanë hyrë në territorin tonë afro 16 mijë shtetas të huaj, ndërsa kanë dalë afro 5100 shtetas. Shumë nga pushuesit e Kosovës këtë vit thonë se çmimet e larta po ndikojnë edhe në kohën e qëndrimit të tyre në plazh.
“Ndikon rritja e çmimeve, kur s’ka pare mjaft. Do shkojmë në Durrës. Kemi dëgjuar që ka rritje çmimesh. Çmimet nuk janë mirë fort por ta shohim. Ndikojnë normal. Fluksi më i ulët. Tani do rrimë 5 ditë”– u shprehën pushuesit.
Krahasuar me një vit më parë numri i hyrjeve të shtetasve të huaj ka njohur një ulje. Nëse në të njëjtën periudhë të një viti më parë ky numër arrinte deri në 30 mijë shtetas të huaj që hynë në Shqipëri nëpërmjet pikës së Morinit, këtë vit ky numër është shumë më i vogël. Edhe vetë pushuesit kosovarë e lidhin këtë fakt me çmimet e larta. Në Morinë vijojnë të jetë në fuqi kalimi me procedurë të përshpejtuar duke shmangur krijimin e radhëve të gjata si dhe janë në punë shtatë sportele në hyrje e gjashtë në dalje për përpunimin e të dhënave të qytetarëve që kalojnë kufirin në të dyja kahet.
Discussion about this post