Për rritjen e çmimeve të në protestë do të dalin edhe qytetarët e Kukësit. Përmes një postimi në rrjetet sociale, bëhet me dije se nesër, më datë 10 mars, në orën 11:00 do të ketë një marshim në Kukës. Qytetarët do të nisen nga Sahati drejt urës. Gjithashtu pritet të bllokohet Rruga e Kombit.
“Kukësi në protestë, Ditën e enjte në orën 10.03.2022, ora 11 te Sahati marshojmë drejt urës. Duke parë gjendjen skandaloze të zhvatjes që po na bëhet me rritjen pa kriter dhe pa kontroll të çmimeve ftojmë qytetarët e Kukësit të bashkohemi nesër. Në protestë për uljen e çmimeve” – thuhet në njoftim.
Ditën e sotme për thuajse 4 orë, mijëra të rinj, burra, gra e fëmijë janë mbledhur në bulevardin “Dëshmorët e Kombit” përballë Kryeministrisë dhe kanë protestuar kundër rritjes së çmimeve. Qytetarët shprehen se do të vijojnë të protestojnë edhe gjatë natës dhe se nuk do të ndalen deri në momentin që qeveria të marrë vendimin për të ulur taksat.
Discussion about this post