Qytetarët do të protestojnë ditën e hënë në orën 18:00 përpara kryeministrisë kundër rritjes së çmimeve. Lajmi është bërë i ditur nga aktivisti Adriatik Lapaj.
“Të hënën në 18.00 do jem përballë Kryeministrisë. Do dal të vazhdoj protestën kundër rritjes së çmimit të bukës, shportës ushqimore, karburantit, gazit, kundër abuzimit me paratë publike, kundër mungesës së meritokracisë, keqadministrimit të sistemit energjitik e për shumë arsye të tjera…ndjej se duhet të protestoj.Të hënën te vendi”, – shkruan Lapaj.
Protestat nisën pas rritjes së çmimit të bukës me 10 lekë. Paralajmërimërimet e më vonshme për rritjen e çmimit të kafes, energjisë elektrike dhe të karburanteve bënë që të qytetarët ‘të zgjoheshin’. Kreu i Qeverisë Edi Rama deklaroi se qytetarët duhet të përgatiten krizën energjitike; rritjen e çmimit të gazit me rreth 250%, atë të karbonit me rreth 80% dhe të naftës. Rama tha se kjo krizë do prekë jetën e familjeve dhe bizneseve, por qeveria do u qëndrojë pranë shtresave në nevojë, biznesit të vogël dhe konsumatorëve familjarë.
