Çmimet e produkteve të ndryshme në vendin tonë vazhdojnë të rriten çdo ditë dhe kriza po thellohet. Në lidhje me këtë çështje ka reaguar deputeti i Partisë Socialiste, Erion Braçe, i cili është shfaqur i revoltuar për rritjen e çmimit të kafes. Me anë të një reagimi në rrjetet sociale, Braçe thotë se në vend po ndodh zhvatje e madhe për shkak se çmimi varion nga periferia e në qendër të qytetit. Ai shton se çmimi i një kilogram kafe ardhur nga Italia, është rritur me 150 lekë, me 1.25 leke për një filxhan mirëpo në vend po rritet me 2 lekë.
“Edhe çmimin e një filxhani kafeje e rritet? Nga janari e këtej, çmimi i një kg kafe ardhur nga Italia, është rritur me 150 lekë, vetëm 150 leke. Pra, me 1.25 lekë për një filxhan kafeje, vetëm 1.25 leke! Nëse e shisnit në periferi të Tiranës me 50 leke një filxhan kafeje, duhet ta shisni me 51.25 lekë. Çfarë ka ndodhur me ju që po e shisni filxhanin e kafesë në periferi me 70 lekë e ne qendër me 90 lekë? Ju është rritur çmimi i vajit, orizit, sheqerit, miellit, makaronave, vezëve, pulave etj? Zhvatje, asgjë tjetër”, shkruan deputeti i PS-së. Pak ditë më parë u paralajmërua rritja e çmimit të kafes, pas shtrenjtimit të produkteve ushqimore të shportës. Duket se Braçe u përball sot me këtë rritje, që ndryshon nga vendi në vend.
Discussion about this post