Deputetja e Partisë Demokratike Jorida Tabaku ka mbajtur fjalën e saj në mbledhjen e Bordit të Entit Rregullator të Energjisë (ERE) të mbledhur këtë të premte për të diskutuar propozimin për rritjen e çmimit të energjisë elektrike nga data 1 tetor për konsumin mbi 800 kë/h për familjet dhe bizneset.
Tabaku u shpreh se në propozimin e FSHU-s mungon parashikimi i numrit të abonentëve që konsumojnë më shumë se pragu i vendosur ndërsa shtoi se duhet të vendosur një fashë e mbrojtur në një sasi më të ulët energjie.
Ajo shtoi se ERE nuk ka për detyrë të jetë noter i vendimeve të qeverisë pasi është organ i pavarur prej saj. Sipas Tabakut, në rastet kur ka pasur ulje të çmimit të energjisë elektrike në botë, qeveria nuk ka bërë asnjë kërkesë që kjo të ndodhë edhe me abonentët vendas.
“Për rivendosjen e fashës dhe rritjen e çmimit të energjisë elektrike për konsumin mbi 800 kwh/muaj për konsumatorët familjare. Furnizuesi i Sherbimit Universal (FSHU) ka aplikuar në ERE në datën 20 Shtator për vendosjen e fashës prej 800 Këh dhe ccmimin per konsumin mujor mbi kete nivel për konsumatorët familjare. Kërkesa e FSHU bazohet mbi vendimin e Asamblesë së Përgjithshme të Aksionerëve të KESH të cilët kanë përcaktuar që cmimi për konsumin mbi 800 Kwh/muaj për konsumatorët familjare të jetë 34.3 lekë/kwh. Bazuar në llogaritjet e FSHU, konsumi mbi 800 Kwh për muajt tetor, nëntor dhe dhjetor përbën rreth 7% te konsumit total të tre muajve bazuar në shifrat e vitit 2021 por edhe të parashikimit të bërë nga FSHU në aplikim. FSHU raporton një rritje në kostot e blerjes nga KESH të energjisë elektrike, për familjarët për konsumin mbi 800 kwh/në muaj, me 1.8 miliardë lekë, rreth 15.6 milionë Euro, për shkak të vendimit të Asamblesë se aksionerve për rritjen e cmimit nga 2.6 ne 34.3 leke/kwh. Gjithashtu FSHU parashikon edhe rritje të kostos për njësi për borxhin e keq, dhe kërkon që shpenzimet për njesi të FSHU të bëhen 8.65 leke/kwh nga 8.50 lekë/kwh që kanë qenë më parë”, tha Tabaku.
Discussion about this post