Kryeministri i Maqedonisë së Veriut, Zoran Zaev deklaroi sot se qytetarët nuk duhet të shqetësohen për rritjen e çmimit të energjisë elektrike, pasi masat e ndërmarra nga qeveria do të sigurojnë çmime të qëndrueshme.
“Çmimi i bursës në periudhën e fundit është nga 170 deri 220 euro për megavat. Ndërsa ne e japim çmimin për amvisëritë për 36 euro për megavat. Kjo është 4-5 herë çmim më i lirë. Qytetarët nuk duhet të shqetësohen sepse çmimi është caktuar nga qeveria, prej 36 eurove. Diferencën drejt EMV-së e paguajmë ne, ndërsa TVSH e kemi ulur nga 18 në 5 për qind. Janë marrë gjitha masat për çmime stabile nga qeveria”, deklaroi Zaev.
Kreu i ekzekutivit tha se me aktivizimin e bllokut të tretë të TEC Manastir, dhe sipas prodhimit të energjisë elektrike, do të shqyrtohet ndihma shtetërore edhe për kompanitë.
“Këto ditë do të publikohen procedurat e tenderimit. Presim të furnizohemi me sasi shtesë të qymyrit që do të jenë të mjaftueshme për të nisur me punë blloku i tretë i TEC-Manastir dhe të vazhdon me punë Osllomej”, deklaroi Zaev.
Ditën e dielë, kryeministri Rama iu drejtua qytetarëve me një mesazh në lidhje me rritjen e çmimit energjisë elektrike që sipas tij po vjen si pasojë e një krizë të jashtëzakonshme energjetike, ku pritet të ketë rritje të çmimit brenda gjashtë mujorit të parë të vitit të ardhshëm. Rama tha se kjo fatkeqësi e re ka sjellë një rritje të jashtëzakonshme të çmimeve e jo vetëm të karburanteve, gazit, karbonit e naftës, por edhe mallrave të konsumit që po diktohet nga manovrat tregtare dhe faktorët e tjerë gjeopolitikë.
