Shteti francez vihet në ndihmë të qytetarëve që po vuajnë rritjen e çmimit të energjisë dhe karburantit. Qeveria njoftoi një ndihmë prej 100 eurosh për çdo shtetas, të ardhurat mujore të të cilit janë 2 mijë euro ose më pak.
Kjo shifër do të shkojë për pothuajse 38 mln francezë, përfshirë edhe ata që nuk drejtojnë makinë apo motor.
Çeku i parë do të shkojë për punonjësit e biznesit në fund të dhjetorit. Nëpunësit civilë, studentët dhe pensionistët do ta marrin atë në fillim të 2022. Megjithatë, për qytetarët, 100 euro nuk është ndonjë ndihmë e madhe.
Asistenca prej 100 eurosh nuk do të taksohet dhe do t’i kushtojë qeverisë franceze 3.8 miliardë euro.
