Kreu i Shoqatës së Transportit Publik, Dashnor Memaj, ka deklaruar ditën e sotme, se rritja e çmimit të karburanteve do detyrojë ata të shtrenjtojnë biletat.
“Logjikisht mund të mendohet diçka e tillë sepse është e pamundur që të përballohet realisht barra ekonomike që vjen nga rritja e çmimit të naftës”, u shpreh ai.
Përgjatë këtij viti çmimet e karburantit janë dyfishuar në krahasim me nivelin e çmimeve në fund të 2020. Shoferët nga ana tjetër thonë se më shumë i vret konkurrenca e pandershme se sa një rritje e çmimit të biletave.
Sektori më i ndjeshëm dhe për faktin e funksionimit me anë të furnizimit me karburant është transporti, dhe rritja e çmimeve pritet të reflektohet në muajt në vazhdim. Rritja e çmimit të karburanteve në Shqipëri rrezikon të ndikoj dhe tek rritja e çmimit të biletave në sektorin e transportit.
Rritje e cila pritet të rëndojë akoma më shumë në xhepat e qytetarëve që janë përdorues të këtij shërbimi.
