Nafta dhe ushqimet e shportës po shtrenjtohen gjithmonë e më shumë në vendin tonë, ndërsa Bordi që u ngrit nga qeveria nuk po merr asnjë masë. Në lidhje me këtë situatë ka reaguar sot nënkryetari i LSI, Petrit Vasili. Me anë të një postimi në Facebook, Vasili krahason çmimin e naftës në vendin tonë me atë fqinj të Maqedonisë së Veriut, ku sipas tij është 33% më e ulët. Kraha postimi Vasili ka publikuar një foto, që tregon se në Maqedoninë e Veriut çmimi i naftës është 1.36 euro ose 1660 lekë të vjetra, ndërsa në Shqipëri është 2450 lekë të vjetra.
“Çmimi naftës tani live ne ora 23 nga Maqedonia! Në Maqedoni një litër nafte në këtë moment është vetëm 84 denarë, ose 1.36 euro, ose vetëm 1660 lekë të vjetra. Ne Shqipëri 2 euro ose 2450 lekë të vjetra. Ne Shqipëri nafta kushton 33% me shtrenjtë se në Maqedoni. Ja çfarë do te thotë kur qeverisë Edi Rama! Bordi i Transparencës qe vendos çmimin e naftës është thjesht një pazari i ndyre i Edi Rames me oligarkët. Edi Rama dhe oligarkët si spekullante po pasurohen pa fund, me qindra milion euro, ne kurriz te shqiptareve”, u shpreh ai. Ndërkohë qytetarët vazhdojnë të ankohen se nuk po blejnë dot as ushiqmet bazë dhe shumë familje janë në krizë urie.
Discussion about this post