Disa protestues në Greqi, kanë hyrë në ambientet e Ministrisë e Mjedisit dhe Energjisë të martën pasdite. Mediat greke raportojnë se rreth 20-30 persona sulmuan Ministrinë e Mjedisit dhe Energjisë, duke hedhur bojë në të gjitha katet, teksa u përpoqën të hynin në zyrën e ministrit, Kostas Skrekas.
Ata u ngjitën në katin e 7-të dhe arritën në zyrën e zëvendësministrit, Nikos Tagaras, si dhe në katin e dytë, në zyrën e Sekretares së Përgjithshme të Energjisë, Alexandra Sdoukou. Fillimisht, dy persona hynë në ministri dhe më pas u dhanë shenjë të tjerëve që të hynin.
Ata protestuan kundër shtrenjtësimit të energjisë dhe privatizimit të sektorit dhe më pas tentuan të largohen, ata hodhën fletushka dhe u drejtuan për në katet e tjera, duke u përpjekur, ndër të tjera, të hynin zyrën e ministrit Kostas Skrekas, e vendosur në katin e 6 -të.
Informacioni nga burimet policore thotë se janë bërë 24 arrestime, 5 gra dhe 19 burra.
