Kuvendi miratoi sot projetligjin për rritjen e pagave të zyrtarëve të lartë dhe administratës. Në votim morën pjesë 99 deputetë, dy prej të cilëve votuan kundër.
Deputetët të cilët votuan kundër janë Bujar Leskaj dhe Gëzim Ademaj. Ndërkaq kryeministri Edi Rama dhe ish-kryeministri Sali Berisha nuk morën pjesë në votim. Po ashtu nga kabineti qeveritar nuk ishin të pranishme gjatë votimit as dy ministret Olta Xhaçka dhe Ogerta Manastirliu.
Projektligji përmban rritjen e pagave të administratës dhe institucioneve të pavarura në nivelin nga 20-60%.
Sipas propozimit, paga e deputetëve do të dyfishohet nga 156 770 lekë që është aktualisht në 310 250 lekë, ndërsa e ministrave nga 174 760 lekë në 318 750 lekë bruto.
Kryeministrit dhe Kryetarit të Kuvendit paga u rritet në thuajse 400 000 lekë bruto nga 228 000 lekë që është sot.
Discussion about this post