Nga 1 janari i vitit të ardhshëm, të gjithë qytetarët që përfitojnë pensione do të marrin më shumë para.
Rritja do të përfshijë pensionet e pleqërisë, të invaliditetit dhe ato familjare, si pjesë e politikave sociale të qeverisë për përmirësimin e jetesës së shtresave në nevojë.
Ndërkohë, në qershor, qeveria ka paralajmëruar miratimin e vendimit për rritjen e pagës minimale, nga 40 mijë lekë që është aktualisht, në 50 mijë lekë në muaj.
Sipas përllogaritjeve të bëra bazuar në të dhënat e Institutit të Statistikave, nga kjo masë pritet të përfitojnë të paktën 185 mijë punonjës, që aktualisht paguhen deri në 40 mijë lekë.
Në një intervistë për Ora News eksperti i ekonomisë Eduard Gjokutaj e vlerëson pozitivisht rritjen e pensioneve, duke theksuar se buxheti po orientohet më shumë drejt aktivizimit ekonomik të fuqisë blerëse dhe jo vetëm kompensimit social.
Por edhe pse e vlerëson si një hap në drejtimin e duhur, ai thotë se ende nuk mjafton për të përballuar koston reale
Sa i përket pagës minimale, eksperti thekson se ky vendim do të ketë ndikim të drejtpërdrejtë në përmirësimin e jetesës së shtresave më vulnerabël, duke mundësuar përballimin e nevojave bazike të qytetarëve.
Vendimet pritet të hyjnë në fuqi më 1 janar 2026, duke sjellë një efekt pozitiv si për të moshuarit, ashtu edhe për punonjësit me të ardhura të ulëta.
Discussion about this post