Mynihu ka vendosur anulimin e hapjes së tregut të Krishtlindjeve, për shkak yë rritjes së numrit të rasteve me koronavirus.Mynihu është një pikë turistike mjaft e frekuentuar në Gjermani gjatë kësaj periudhe, zakonisht në periudhën e festive vizitohet nga 3 milionë turistë.
Ishte kryetari i Mynihut, Dieter Reiter, që bëri me dije lajmin e hidhur për banorët dhe tregtarët e qytetit, por shtoi se do të ishte papërgjegjësi, nëse tregu do të hapej, duke parë situatën e pandemisë në vend.
“Gjendja dramatike në spitalet tona dhe shifrat e infeksioneve që po rritën në mënyrë eksponenciale nuk më lënë tjetër zgjedhje: për fat të keq, tregu i Krishtlindjeve i Mynihut nuk mund të hapet këtë vit”, tha kryetari Reiter.
Shumë tregje gjermane të Krishtlindjeve ishin anuluar vitin e kaluar për shkak të pandemisë, por tregu i Mynihut është i pari në mesin e më të mëdhenjve që anulohet këtë vit. Hapja e tij ishte planifikuar për të hënën e ardhshme, më 22 nëntor.
Bavaria është njëra nga rajonet me shkallën më të lartë të infeksioneve në Gjermani gjatë valës së katërt të pandemisë. Numri mesatar javor i rasteve për 100.000 banorë ka shkuar të 554.2, sipas Institutit “Robert Koch”.
Discussion about this post