Federata e Sindikatave të Shëndetësisë së Kosovës, kanë protestuar këtë të premte para Ministrisë së Shëndetësisë dhe institucionit të kryeministrisë së Kosovës.
Kryetari i FSSHK, Blerim Syla ka bërë me dije kërkesat për institucionet qendrore, të cilat janë “Ligji mbi Pagat” dhe shtesat mbi pagë bazuar në “Ligjin për luftimin dhe parandalimin e pandemisë”. Ata kanë ngritur kartona të kuq për institucionet qendrore, në mënyrë simbolike.
Në protestën e mbajtur para Ministrisë së Shëndetësisë është kërkuar vazhdimi i dialogut social dhe nxjerrja e udhëzimit administrativ për shtesat mbi pagë të bazuar në “Ligjin për luftimin dhe parandalimin e pandemisë”.
Mjekët kanë kritikuar ministrin Arben Vitia, i cili sipas Blerim Sylës, ka ndërprerë çdo dialog me FSSHK-në, e rrjedhimisht ata nuk kanë mundur t’i adresojnë kërkesa qeverisë nëpërmjet kësaj ministrie.
