Elmi dhe Elona Keqja burrë e grua, nuk mundën t’i shpëtonin rrjedhës së lumit Shkumbin pasi automjeti me të cilin po udhëtonin doli nga rruga dhe përfundoi në lumë. Pas tyre u raportua edhe një person tjetër i vdekur, i identifikuar me emrin Elis Sulmataj 18-vjeç.
Ndërsa tre personat e mbijetuar Elisiado Keqa rreth 10 vjec Ambra Halili rreth 20 vjeç, janë në gjendje të rëndë. Një djalë 9 vjeç ndodhet në gjendje kome në Spitalin e Traumës në Tiranë, ndërsa një 20-vjeçare, është transportuar po ashtu drejt kryeqytetit.
Ngjarja ka ndodhur mëngjesin e sotëm rreth orës 09:10, ku një makinë tip “Benz” pasi u përplas me një tjetër mjet tip “Ford”, doli nga rruga dhe përfundoi në lumë.
Fillimisht janë nxjerrë të gjallë nga mjeti, një burrë, një grua dhe fëmija. Ndërsa prej orësh, është punuar për nxjerrjen e trupit të pajetë të tre viktimave. Sipas informacioneve të para, dyshohet se viktimat dhe të plagosurit kanë lidhje familjare me njëri-tjetrin, ndërsa ishin me origjinë nga Kukësi.
Paraprakisht dyshohet se shkak i këtij aksidenti është bërë rrëshqitja e gurave shkëmborë dhe dherave që shpesh janë raportuar si burim aksidentesh. Ndërsa bashkitë nuk kanë ende asnjë masë apo ndërhyrje për t’i dhënë fund këtij problemi infrastrukturor, që po merr jetë njerëzish. A.L/ gijotina.com
Discussion about this post