Rrjedhje lënde kimike, asfiksohen punëtorët e një kompanie në Fier

Disa punëtorë të një kompanie koreane në Fier dyshohet se janë asfiksuar si pasojë e rrjedhjes së lëndëve kimike.

Nga raportimet ngjarja ka ndodhur mbrëmjen e sotme, ndërsa në ambientet e brendshme të kompanisë kanë shkuar së paku tre ambulanca dhe automjete të Policisë.

Nga raportimet mësohet se janë të paktën 5 punonjëse që janë asfiksuar si pasojë e rrjedhjes së kimikateve, ndërsa ato ishin punonjëset e turnit. Ato janë dërguar në spital ku po marrin ndihmën mjekësore, teksa nuk dihet ende gjendja e tyre shëndetësore.

Raportohet se kjo kompani operon në sektorin e pajisjeve elektrike për automjetet, aktivitet që e ushtron prej 5 vitesh. (vijon)