Një rrufe goditi një kopsht zoologjik në departamentin Bouches-du-Rhône në jug të Francës, duke lënë 13 vizitorë të plagosur, përfshirë katër fëmijë. Ngjarja u konfirmua nga departamenti lokal i zjarrfikësve të zonës.
Menjëherë pas goditjes së rrufesë, stafi i kopshtit zoologjik dhe ndihmësit e parë vepruan shpejt. Zjarrfikësit e Bouches-du-Rhône mbërritën në numër të madh punonjësish për të ofruar ndihmën e parë. Organizimi midis ekipeve mjekësore dhe menaxherëve të kopshtit zoologjik bëri të mundur trajtimin e shpejtë të të lënduarve.
Është ngritur një njësi mbështetjeje psikologjike për të mbështetur të prekurit dhe dëshmitarët e kësaj ngjarjeje traumatike. Shërbimet meteorologjike kishin raportuar stuhinë, por intensiteti i saj i zuri të gjithë në befasi.
Sipas të përditshmes franceze Le Figaró, të plagosurit u dërguan në tre spitale aty pranë, në Salon-de-Provence, Marignane dhe Marseille Nord. Ndërsa kafshët e parkut nuk u dëmtuan. Ky kopsht është hapur në vitin 1971 dhe në të ndodhen 700 kafshëve të më shumë se 130 specieve të ndryshme
Discussion about this post