Një rrufe ka shkaktuar zjarr në urën e Kardhiqit në Bashkinë e Gjirokastrës këtë të premte. Sipas informacioneve shirat kanë nisur shoqëruar edhe me vetëtima e rrufe, teksa kjo e fundit ka rënë në një shtyllë tensioni çka ka shkaktuar zjarr edhe më tej në zonë.
Në vendin e ngjarjes kanë mbërritur automjeti i zjarrfikëses së bashku me 4 punonjës të cilët bërën të mundur shuarjen e zjarrit, i cili u përhapur në një sipërfaqe rreh 100 m2. E rrezikuar ka qenë edhe një parcelë me ullinj.
Ndërkohë, një vatër zjarri është evidentuar pranë depos së vjetër të ujit në lagjen “Granicë” në Gjirokastër. Flakët e zjarrit kanë rënë në shkurret e thata aty pranë.
Menjëherë në vendngjarje kanë mbërritur zjarrfikësit që konstatuan se zjarri ishte në një sipërfaqe me barëra midis 2 banesave të cilat po rrezikoheshin.
Në vendin e ngjarjes janë nisur ekipe zjarrfikëse që kanë izoluar fillimisht flakët dhe më pas kanë arritur të shuajnë plotësisht zjarrin.
gijotina.com/
Discussion about this post