Një sërë ankesash janë dërguar pranë Komisionit të Prokurimeve Publike gjatë këtij muaji dhe këtë herë në skandal është përfshirë Autoriteti Rrugor Shqiptar. Një javë më parë Gijotina.com publikoi me fakte abuzimin që ARRSH kishte bërë përmes tenderit me objekt “Ndërtim rruga lidhëse e Aeroportit Ndërkombëtar të Vlorës (VIA)- Autostrada Fier-Vlorë”, i cili i ishte dhënë pa garë kompanisë “Fusha sh.p.k”, e përfshirë në shumë afera të tjerë me tenderët.
Shkeljen e hapur që ka bërë ARRSH me tenderin mbi 276 milionë lekë, këtë herë e ka denoncuar një nga kompanitë e skualifikuara nga gara pa të drejtë. Kompania “Shkëlqimi 07” SHPK kishte një nga ofertat më të ulëta gati 140 milionë lekë, por sërish u skualifiakua, prandaj ka denoncuar rastin pranë KPP duke pretenduar se argumentet për largimin nga gara nuk janë bërë komfort ligjit.
Shkeljet
Kompania denoncuese thotë në ankesën e saj se, është skualifkuar nga gara për shkak se ka paraqitur një ofertë, të cilën ARRSH e konsideron anomalisht të ulët dhe të pamjaftueshme për të përfunduar projektin.
Por në argumentet e saj, “Shkëlqimi 07” SHPK thekson se makineritë e shtuara për të kryer më shpejtë në kohë punimet nuk i shtojnë kosto për t’i reflektuar ato në kontratë, prandaj dhe oferta ka qenë në ato përmasa. Ndër të tjera, ankimuesi shprehet se në ofertë nuk paraqitur kostot për gjelbërimin pasi në kontratën për shpalljen e tenderit nuk përfshihej ky shërbim.
Ndër të tjera, ankimuesi evidenton si argumentin më qesharak për skualifikim faktin që nuk ka përfshirë në kontratë kostot apo makinat e transportit për punonjësit apo mallrat që ajo do të marrë. Kompania në fjalë sqaron se kostot për transportin i mbulon vetë ajo dhe ky çmim nuk kishte arsye të shtohej në ofertë.
Kështu, argumentet e mësipërme tregojnë se ARRSH ka skualfikur pa të drejtë nga gara “Shkëlqimi 07” SHPK, duke shkelur ligjin për prokurimet. Sakaq, kujtojmë se ARRSH ka skualfikuar nga gara me justifikime kaq qesharake edhe 10 kompani të tjera, të cilat gjithashtu kishin ofertë më të ulët se kompania që “iu fal” tenderi. E.H/gijotina.com/
Discussion about this post