Pavarësisht se Rruga e Arbrit po afrohet me përfundimin e punimeve, banorët e fshatit Shkallë në Xibër të Klosit vazhdojnë të kërkojnë ndihmë për ndërtimin e një nënkalimi. Ata e kanë të pamundur kalimin nga njëra anë e rrugës në tjetrën dhe këtë shqetësim e kanë ngritur që prej kohësh, por ende nuk është ndërmarrë asnjë veprim nga kompania “Gjoka”, e cila po realizon ndërtimin e saj. Banorët janë të detyruar të kalojnë përmes një tombinoje të përdorur për rrjedhjen e ujërave të përroit
Një banor shprehet se mungesa e një nënkalimi rrit rrezikun për jetën e tyre, pasi rruga është shumë e ngarkuar me automjete që lëvizin me shpejtësi. Po ashtu, ky shqetësim është ngritur edhe nga banorët e fshatit Xibër Murrizë, të cilët po përjetojnë të njëjtin problem. Rruga ndan mespërmes fshatin, duke izoluar një lagje dhe duke e bërë kalimin e banorëve të vështirë dhe të rrezikshëm.
Discussion about this post