Ish-kryeministri Sali Berisha ka sjellë në vëmendje sot disa afera korruptive të qeverisë, Nga Belshi ku po zhvillon një takim me fermerët e zonës, Berisha ka folur për ndërtimin e rrugës Ibë-Farkë, për të cilën tha se deri në vitin 2013, projekti ishte parashikuar të mbyllej për 255 mln euro dhe përfundoi një pjesë e konsiderueshme. Sipas Berishës, për 7 km e mbetura, projekti shkoi në 430 mln euro. Ai thekson se në të tillë mënyrë qeveria ka vepruar më çdo aks rrugorë, i prezanton ato me shifra më të ulëta dhe i përmbyll me vlera marramendëse.
“Një gjë do ju them, kur të shkoni në Tiranë, përtej tunelit, quhet Ibë ajo zona. Nga Iba deri në Farkë, ishte autostrada e papërfunduar në vitin 2013. Ishte 7 km e papërfunduar. E gjithë rruga ishte kontraktuar me 255 mln euro. Kur e dorëzuam pushtetin, kishte përfunduar tuneli dhe 20 km rrugë nga tuneli në Elbasan. Kishin mbetur 7 km. Rruga nga 255 mln euro kërciti në 430 mln euro për ato 7 km rrugë. Një kilometër rrugë shkoi 30 mln euro. Vetëm vidh pafund. Aktori i ka hedhur në gjyq, sepse e ka parë se çfarë janë këta. Dhe do u marri dhe 15 mln euro përmes taksës tuaj. Në çdo gotë uji, në çdo kafshatë ju paguani TVSH-në”, u shpreh Berisha i revoltuar.
Discussion about this post