Pas përfundimit të kualifikuesve më 26 nëntor është planifikuar që të nisë faza e ‘Play-off’ për Botërorin ‘Katar 2022’.
Ja gjithçka që duhet të dini në lidhje me tre vendet që do të kalojnë fazën e ‘pLay-off’ në mars.
Europa ka 13 vende që do të kalojnë për fazën finale në Kupën e Botës vitin e ardhshëm dhe skuadrat që përfundojnë të parat në 10 grupe të ndryshme kanë siguruar tashmë një vend në finale.
Megjithatë kanë mbetur edhe tre vende, që do të kalojnë nga play-off, pasi 10 nënkampionët do të ndeshen për një biletë në Katar.
Dy skuadrat më të mira të Ligës së Kombeve të UEFA-s që nuk janë kualifikuar tashmë do të kenë gjithashtu një shans për të luajtur për një vend në Kupën e Botës 2022.
Kur do të hidhet shorti?
Shorti do të hidhet më 26 Nëntor dhe 12 skuadrat do të ndahen 6 më vete dhe gjashtë të tjera të ndara veç.
Ka vetëm një ndeshje në dy raundet, pasi fituesi i gjysmëfinaleve të grupit të tyre përkatës do të luajë në një finale të play-off-it për të fituar një vend në garë.
Gjashtë skuadrat që kanë shënuar më shumë pikë në raundin kualifikues do të kalojnë në play-off, që do të thotë se Italia është ndër gjashtë më të mirat në fazën tjetër të kompeticionit.
Katër të tjerët plus dy nga Liga e Kombeve të UEFA-s nuk janë vendosur në shortin e play-off-it.
Gjysmëfinalet e tre grupeve përkatëse do të luhen më 24 dhe 25 mars, ndërsa tre finalet do të zhvillohen më 28 dhe 29 mars.
Janë gjashtë gjysmëfinale gjithsej dhe skuadrat e klasifikuara do të kenë një avantazh në terren në short. Ndërsa vendi për finalet do të hidhet me short.
Italia, Portugalia, Rusia, Skocia, Republika Çeke, Polonia, Suedia, Uellsi, Austria, Maqedonia e Veriut tashmë janë kualifikuar në play-off.
Finlanda dhe Ukraina po luftojnë për vendin e dytë në Grupin D dhe rrjedhimisht aksesin në play-off, ndërsa Turqia, Norvegjia dhe Holanda po luajnë për një vend në Kupën e Botës 2022 në Grupin G./K.T/Gijotina.com
Discussion about this post