Rruga fatale, 4 të rinjtë humbën jetën pranë përkujtimores së 4 viktimave të tjera

Aksi Fushë-Krujë Milot është rruga që ka marrë dhjetëra jetë njerëzish si pasojë e aksidenteve fatale të shënuara pothuajse çdo muaj.

Orët e para të mëngjesit në “rrugën fatale” 4 persona u përfshinë në një aksident duke gjetur vdekjen e menjëhershme.

Si pasojë e përplasjes së dy makinave me të cilët udhëtonin, viktimat e radhës u identifikuan si Almenia Karaj 16-vjeçe, Shkumbin Brati 20-vjeç, Artan Alushi 30-vjeç dhe Alfred Dika 39-vjeç.

Rastësia e frikshme në këtë aksident është se ka ndodhur pikërisht në një vend ku dy vite më parë ndërruan jetën 4 të rinj. Në pamjet e siguruara nga gijotina.com mbetjet e makinave të përfshira në aksident pak pas mesnatës që janë ngjitur me përkujtimoren e 4 viktimave të 18 marsit të 2020.