Olta Xhaçka, ministre e Jashtme, ka zhvilluar një takim me ambasadoren amerikane Yuri Kim, e cila ka përfunduar misionin e saj diplomatik në Tiranë.
Ajo shkruan se është e trishtueshme të shohësh një mike të mirë të largohet dhe thekson se është e sigurt që rrugët e tyre do kryqëzohen sërish në të ardhmen.
“Mikprita sot Ambasadoren Yuri Kim në vizitën e saj të fundit si Ambasadore e Shteteve të Bashkuara të Amerikës në Shqipëri .
Është e trishtueshme të shohësh një mike të mirë të largohet. Kemi punuar shumë së bashku për avancimin e marrëdhënieve midis dy vendeve tona dhe i jemi mirënjohës Yurit që me zemër ka punuar për interesin më të mirë të Shqipërisë.
I urova gjithë të mirat në misionin e saj të ri e të rëndësishëm. E sigurt që rrugët tona do të kryqëzohen sërish në të ardhmen”, shkruan ajo.
Discussion about this post