Drejtori i Policisë së Shtetit, Muhamet Rrumbullaku po vazhdon në gjurmët e paraardhësve të tij, Gledis Nano dhe Ardi Veliu. Jo Drejtori, jo vetëm që nuk po kap kriminelët e rrezikshëm që lëvizin të lirë, por po renditet me zyrtarët e tjerë që bëjnë korrupsion me tenderët.
Së fundmi, kreu i Policisë së Shtetit ka hapur tenderin me objekt “Blerje ushqim koncentrat për qen dhe këlyshë”, që ka në dispozicion fondi limit me vlerë 371 milionë lekë. Eh, po mos kujtoni se tërë këto lekë do t’u shkojnë qenve! Pjesa e luanit konsumohet përmes abuzimeve në prokurim.
Kontrata është lidhur me datë 11 prill 2023 dhe fituese është firma “Metani Shpk” në pronësi të Albert Metanit.
Sikur shihet në dokument nuk ka asnjë firmë tjetër të skualifikuar, apo ofertat të tjera që janë paraqitur. Kjo tregon se tenderi është zhvilluar pa garë fare, duke shkelur rregullin për konkurrencën e lirë.
Këtë lloj tenderi Policia e Shtetit e zhvillon çdo vit, edhe në kohën kur në krye ishte Gledis Nano fitues ishte paracaktuar firma “Metani shpk”.
Kujtojmë se mars të vitit të shkuar Metani përfitoi 47 milionë lekë për të ushqyer qentë e Policisë.
Vlera e këtij tenderi ishte më e ulët, sepse Metani do të ushqente qentë me ushqim krokant me shije gjeli dhe shpendësh vetëm për 2 muaj.
Në dokumente thuhet se ushqimi për qentë ka disa specifika proteinike, ndërkohë që shqiptarët hanë bukë me grurë serb për kafshët.
Metani ka përfituar tenderë të shumtë, edhe nga Bashkia Tiranë përmes firmës tjetër që zotëron, “MILIFAR shpk”. Konkretisht me datë 30 shtator të viti të shkuar ka përfituar tenderin 300 milionë lekë me objekt “Blerje medikamentesh veterinare”.
Edhe ky tender i është dhënë pa garë dhe mban “Flamurin e kuq” për shkeljet e komisionit të prokurimit. Në fund të vitit ka kjo kompani ka përfituar tenderin me objekt “Blerje preparate për dezinfektim, dezinfektim dhe deratizim” me vlerë 355 milionë lekë. Edhe ky tender i është dhënë pa garë fare. Me të dyja firmat e tij Metani arrin të vjelë miliona nga Thesari i Shtetit çdo vit. Sidomos për ushqimin e qenve. Disa pyetje mbeten në fund: Ku janë këta qenë të specializuar? Sepse kur ra tërmet nuk ndihmuan të zbuloheshin të plagosurit dhe viktimat nën rrënoja. Sa qenë ushqehen me 371 milionë lekë?!
Lexoni edhe: Veliaj hedh 900 mln lekë për asfalt, ia fal tenderin dajës së Ilir Metës
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post