Policia e Shtetit pajiset me mjete si në SHBA dhe BE, ndërsa krimi vazhdon si në Kolumbi. Kështu, preokupimi i drejtorit Muhamet Rrumbullaku është të shtojë flotën e makinave. Në fakt, rritja e kriminalitetit është një pretekst më shumë për kreun e Policisë që të bëjë harxhime të fondeve në favor të miqve.
Kështu me 13 mars 2023, Drejtoria e Përgjithshme e Policisë së Shtetit, drejtuar nga Muhamet Rrumbullaku, ka nënshkruar kontratën për të marrë makina me qira.
Konkretisht, bëhet fjalë për tenderin me objekt “Marrje me qira operacionale të autoveturave në shërbim të Policisë së Shtetit”. Nuk përcaktohet në kontratë se sa makina do të blihet, por vlera që do të shpenzohet për to kap vlerën 2.8 miliardë lekë me TVSH. E pafalshme të shpërdorohen kaq shumë lekë për qira makinash, kur me këtë fond mund të bliheshin minimalisht 800 makina të reja!
Me sa duket Rrumbullaku qenka i apasionuar pas shpejtësisë në tokë dhe në ujë.
Kujtojmë se në këto muaj ka derdhur miliarda lekë vetëm për t’u blerë policëve Jet-Ski të shpejta, motorë uji dhe tani makina moderne.
Përveç faktit se bën shpenzime marramendëse për shërbime të panevojshme dhe që nuk po ndikojë aspak në përmasimin e performancës së policisë, Rrumbullaku nuk iu ndahet bashkëpunimeve me sipërmarrës të privilegjuar dhe të paracaktuar që të fitojnë tenderët.
Këtë kontratë. Rrumbullaku ua ka falur vëllezërve Dulaku dhe Florian Budinës. Konkretisht, vetëm bashkimi i operatorëve ANTIGONE RENTALS” shpk dhe “ALBANIA MOTOR COMPANY” kanë paraqitur ofertë. Kështu, Rrumbullaku që tani ua mori dorën tenderëve me “Red Flag” (sipas monitorimit nga Open Data) nuk e ka menduar dy herë që të firmosë fitoren pa garë të Dukalut dhe Budinës.
Firma ANTIGONE RENTALS” shpk është në pronësi të Florian Budinës. Edhe pse kjo firmë nuk posedon asnjë licencë për të kryer shërbimet që ka në qëllim, ka mundur të fitojë shumë tenderë të shtrenjtë nga institucionet qeveritare.
Ndërsa firma “ALBANIA MOTOR COMPANY” është nën administrimin e Ardian Dulakut.
Në të dhënat e QKB tregohet se kjo firmë është një degëzim i kompanisë “INER” e cila ka bashkëpronarë vëllezërit Genc, Ardian dhe Artan Dulaku.
Dulakët që në fund të vitit 2022, duket se i kanë rregulluar sërish marrëdhëniet me qeverinë, pas disa përplasjeve që patën me kryebashkiakun Veliaj. Dhe, që atëherë cilitdo projekt i kanë vënë gishtin, e kanë fituar pa asnjë pengesë, dhe bëhet fjalë për kontrata me miliarda lekë!
Lexo edhe: Sako, 30 mln lekë pa garë Dulakut, që t’i pasqyrojë “punën” në TV
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post