Drejtori i Policisë së Shtetit Muhamet Rrumbullaku ka reaguar sot në lidhje me aksionin policor në kampin ku qëndrojnë muxhahedinët iranianë.
Rrumbullaku foli në lidhje me vdekjen e një personi ditën e sotme në kamp, teksa shpjegoi se gjatë kohës që policia po kryente ndërhyrjen ai vetë është njoftuar nga krerët e MEK se në qendrën e tyre të emergjencës ndodhej një banor i tyre që kishte ndërruar jetë.
Ai shtoi se në lidhje me këtë çështje është ngritur një grup hetimor, ndërsa tha se do dalë një konkluzion i qartë për këtë rast pas ekspertizës mjeko-ligjore.
“Gjatë kohës që kryheshin veprimet nga drejtuesit e MEK jam bërë me dije se në qendrën e tyre të emergjencës ndodhej një banor i tre që kishte ndërruar jetë. Për sa sipër është ngritur një grup i posaçëm hetimor, oficerë të policisë gjyqësore Durrës. Pas daljes së ekspertizës do nxirrni konkluzionin tuaj dhe nuk dua të prononcohem më tej për këtë çështje”, u shpreh Rrumbullaku.
Rrumbullaku tha se ka pasur kontroll në rreth 178 objekte brenda kampit. Ai u shpreh se policia ka ndërhyrë në kamp për të zbatuar një vendim të gjykatës së Posaçme dhe nuk ka ushtruar dhunë.
“Në orën 8 të mëngjesit, me disa drejtues të lartë te Policisë kemi patur një takim dhe na janë përgjigjur pozitivisht të 6 drejtuesit kryesorë të kampit. Kemi ndjekur mirëkuptimin e tyre për momentet e para. Si fillim jemi adresuar në hyrje të kampit, ku kemi kërkuar hapjen e portave, ku e kemi parë se çfarë masash sigurie ka, se nuk është aspak pronë e tyre. Dhe së bashku me drejtuesit kemi hyrë në ambientet e territorit. Më pas kemi filluar kontrollin në të gjitha objektet. Pas sekuestrimit të serverëve dhe pajisjeve në të 17 objektet, kemi hasur një rezistencë dhe dhunë nga ana e anëtarëve, por asnjëherë nuk është prekur asnjë prej tyre. Më pas policia ka filluar procedurat në të tilla raste për turmat dhe i vetmi objekt që është përdorur ka qenë spraj individual, i cili nuk ka sjellë asnjë pasojë mbi rezidencën. Policë kanë mbetur të plagosur 21 prej tyre, ku pas mjekimit në spital, 15 prej tyre janë rikthyer sërish”, tha kreu i Policisë së Shtetit.
Ai tha se nga anëtarët e kampit MEK është tentuar djegia ose shkatërrimi i dokumenteve apo pajisjeve, që ishin në gjuhën e tyre, pork jo çëhstje po hetohet. Rrumbullaku tha se janë sekuestruar 49 njësi kompjuterike, sikundër janë identifikuar anëtarët që kanë kundërshtuar me dhunë policinë.
Rrumbullaku tha se e gjithë situate është monitoruar me dron dhe shumë shpejt do të identifikohen rastet e dhunës që pjesëtarë të MEK kanë ushtruar ndaj Policisë së Shtetit.
Kryepolici tha se rezistenca e banorëve në kamp nisi kur policia shkoi për të zbatuar vendimin e Gjykatës, ndërsa theksoi se veprimet e anëtarëve të MEK ishin të organizuara.
Discussion about this post