Radio Televizioni Shqiptar (RTSH) nuk është duke e transmetuar ndeshjen e shumëpritur të kombëtares shqiptare ndaj Islandës, në kuadër të Nations League.
Sipas raportimeve, RTSH-ja nuk ka paguar tarifën e caktuar nga organizatorët e Nations League për të marrë të drejtën e transmetimit. Kjo ka shkaktuar revoltimin e qytetarëve ndër ta tifogrupi i Tifozëve Kuq e Zi.
“Përderisa Tifozat Kuq e Zi bëjnë kilometra për ta parë kombëtaren në Islandë, TVSH nuk e ka parë të arsyeshme të transmetojë drejtpërdrejt sonte ndeshjen e Kombëtares, të cilën interesi i gjithë Shqipërisë është të ketë sa më shumë vëmendje në ndeshjet që luan Kombëtarja”, shprehen ata në një reagim në rrjetet sociale.
Edhe këngëtari i njohur Sidrit Bejleri ngre pyetjen; se ç’borxh i kanë qytetart RTSH-së, edhe pse paguajnë taksën që mbush arkën e këtij institucioni.
“Ma shpjegon dot kush se, çfarë borxhi i kemi Televizionit Shqiptar, për atë taksën që paguajmë?”, shprehet këngëtari.
Discussion about this post