Ruante plantacionin e kanabisit në Gjermani, arrestohet shqiptari

Një shqiptar 48-vjeçar është dënuar me 36 muaj burg pasi gjatë kontrollit nga policia në një banesë në Gjermani u zbulua një plantacion kanabisi.

Lidhur me ngjarjen, bëhet me dije se 48-vjeçari, për t’i shpëtuar policisë u fsheh në kopshtin e një pastori, në Halle, por ka rënë në gjurmët e autoriteteve dhe është arrestuar menjëherë nga policia gjermane.

Përballë autoriteteve, shqiptari kishte deklaruar se nuk kishte dijeni se kush qëndronte pas plantacionit dhe se kishte rreth tre muaj që qëndronte në shtëpi për t’u kujdesur për plantacionin.

Ndërkohë për këtë ngjarje janë dënuar edhe disa persona të tjerë, përfshirë edhe një grua.