Bullgaria dhe Rumania iu bashkuan zonës së lëvizjes së lirë Shengen të Evropës këtë të diel, duke iu bashkuar pjesës tjetër të Evropës për të udhëtuar lirshëm nga ajri dhe deti pa kontrolle kufitare, por jo nga toka.
Një veto e vendosur nga Austria do të thotë se statusi i ri nuk do të zbatohet për rrugët tokësore, për shkak të frikës prej një fluksi refugjatësh.
Pranimi në zonë vjen pas një pritjeje trembëdhjetëvjeçare.
Megjithatë, anëtarësimi është i pjesshëm, pasi një kundërshtim nga Austria do të thotë se anëtarësimi i ri nuk do të zbatohet për rrugët tokësore, për të cilat Vjena argumentoi se do të çonte në dyndjen e më shumë azilkërkuesve në Evropë.
“Ky është një sukses i madh për të dy vendet,” tha Presidentja e Komisionit Evropian Ursula von der Leyen.
“Dhe një moment historik për zonën Shengen – zonën më të madhe e lëvizjes së lirë në botë. Së bashku, ne po ndërtojmë një Evropë më të fortë, më të bashkuar për të gjithë qytetarët tanë.”
Zona Shengen tani do të përbëhet nga 29 anëtarë – 25 nga 27 shtetet anëtare të Bashkimit Evropian, si dhe Zvicra, Norvegjia, Islanda dhe Lihtenshtajni.
Qeveria e Rumanisë tha se rregullat e Shengenit do të zbatohen në katër porte detare dhe 17 aeroporte, duke përfshirë aeroportin më të madh Otopeni të Bukureshtit.
Policia kufitare dhe oficerë të emigracionit do të vendosen për të mbështetur pasagjerët dhe do të kryhen kontrolle të rastësishme për të zbuluar personat me dokumente false.
Në janar 2023, Kroacia fitoi mbi Rumaninë dhe Bullgarinë për t’u bërë anëtari i 27-të i Shengenit, pavarësisht se u bashkua me BE më vonë.
Zona Shengen u krijua në 1995 pas nënshkrimit të Marrëveshjes së Shengenit 10 vjet më parë midis pesë vendeve anëtare të Komunitetit Ekonomik Evropian: Gjermanisë, Belgjikës, Francës, Luksemburgut dhe Holandës.
Disa marrëveshje të tjera pasuan deri në zgjerimin e vitit 2007, duke integruar nëntë vende të tjera në zonën e lëvizjes së lirë.
Discussion about this post