Rumania dhe Bullgaria kanë arritur një marrëveshje me Austrinë për t’iu bashkuar zonës evropiane Shengen të lëvizjes së lirë nga deti dhe ajri në mars të vitit 2024, tha qeveria rumune të mërkurën.
“Pas 13 vjetësh, Rumania më në fund do t’i bashkohet Shengenit! Ne kemi një marrëveshje politike për këtë,” shkroi kryeministri rumun Marcel Ciolacu në Facebook.
Ministria e Brendshme rumune tha në një deklaratë se një “marrëveshje politike” ishte arritur midis tre vendeve për zgjerimin e zonës “në kufijtë ajrorë dhe detarë” të Rumanisë dhe Bullgarisë “që nga marsi 2024”.
Çështja e hapjes së kufijve tokësorë është shtyrë deri në diskutimet që do të zhvillohen vitin e ardhshëm.
Austria, e cila vuri veton ndaj hyrjes së dy vendeve një vit më parë, hodhi në fillim të dhjetorit idenë e asaj që e quajti “Air Schengen”.
Ajo tha se ishte përgatitur të lehtësonte rregullat që rregullojnë trafikun ajror për Bullgarinë dhe Rumaninë nëse Brukseli forconte kufijtë e jashtëm të BE.
Rumania dhe Bullgaria, të dyja anëtare të BE-së që nga viti 2007, u refuzuan në fund të vitit 2022 nga zona e gjerë brenda së cilës më shumë se 400 milionë njerëz mund të udhëtojnë lirshëm pa kontrolle të kufijve të brendshëm.
Aplikimeve tëe tyre iu vu vetoja nga Austria, e cila ishte ankuar prej vitesh se duhet të përballonte një sasi joproporcionale të imigracionit të paligjshëm , si rezultat i kufijve të jashtëm të Shengenit të mbrojtur keq.
Zona Shengen u krijua në 1985 dhe përfshin 23 nga 27 shtetet anëtare të BE si dhe fqinjët e tyre lidhur, Zvicrën, Norvegjinë, Islandën dhe Lihtenshtajnin.
Discussion about this post