Deputetja e Partisë së Lirisë, Monika Kryemadhi ka deklaruar se në takimin që ka pasur dje me ambasadoren amerikane Yuri Kim në ambientet e KQZ, bashkë me përfaqësues të tjerë të partive parlamentare, ka kërkuar institucionalizimin e donacionit për partitë politike për fushatat elektorale.
Kryemadhi ka komentuar dhe shkrimin e medias amerikane qe ka zbuluar lidhjet e rusisë me disa forca politike në Shqipëri.
Sipas deputetes së PL, janë dy parti politike që akuzohen për financim nga Rusia, PD dhe PS. Sipas Kryemadhit, Rama po ashtu ka marrë para nga Rusia.
“Ke dy parti politike qe akuzohen sot per financime ruse, një është zoti Basha që ka pasur një proces e ka mbyllur per procedure dhe sot jo më larg se dje kemi një media në SHBA që ka bërë prezent angazhimin e kryeministrit shqiptar me një nga ish drejtuesit e një institucioni në SHBA që e lidh me financimet ruse në SHBA. Mungesa e një transparence ka bërë të mundur që të interferojë në jetën politike shqitpare jo paratë ruse, se paratë kanë qenë mjeti për të interferuar influencat ruse”, tha Kryemadhi.
Discussion about this post