Kreu i një milicie nacionaliste rus pro-ukrainase ka dalë kundër regjimit të Putinit. Denis Nikitin, ka deklaruar se regjimi i Ukrainës është anti-rus, madje është zotuar që me një tank do të hyjë në Moskë dhe do të vendosë flamurin e grupimit të tij në Kremlin. Ai u ka bërë thirrje rusëve që të ngrihen kundër regjimit të presidentit Vladimir Putin.
“Një ditë do të më shihni duke hipur në një tank të bardhë [gjerman] Leopard 2 në Moskë. Kur të vendos flamurin e Trupave Vullnetare Ruse mbi Kremlin, ne do të fillojmë të rindërtojmë vendin”, tha ai në një intervistë me The Times.
Mes trupave të tij dhe atyre të Putinit pati një shkëmbim zjarri pranë kufirit ukrainas, gjatë të cilës Nikitin pretendon se janë përdorur edhe armë anti-tank. Putin e quajti incidentin një sulm terrorist nga neo-nazistët dhe thirri një takim të këshillit të tij të sigurisë kombëtare mbi rastin, shkruajnë mediat e huaja.
“Rusia është një territor i gjerë dhe ne kemi shumë mbështetës, duke përfshirë ushtrinë dhe personelin e sigurisë shtetërore. Si tjetër mendoni se ishte e mundur që një grup kaq i madh njerëzish të armatosur rëndë të mund të hynte 5 km thellë në territorin rus për kaq gjatë, pa u kapur?”, tha ai.
Autoritetet ruse thanë gjithashtu se grupimi kishte vrarë dy civilë gjatë luftimeve, një pretendim që Nikitin e mohoi.
Discussion about this post