Kremlini ka filluar t’i kundërvihet SHBA, pas ndërhyrjeve të kësaj të fundit në luftën me Ukrainën. Rusia ka marrë vendimi të sanksionojë presidentin amerikan Joe Biden, Sekretarin amerikan të Shtetit, Antony Blinken dhe disa zyrtarët të tjerë amerikanë. Lajmi është bërë i ditur nga Ministria e Jashtme ruse. Një hap i tillë, sipas Moskës merret si kundërpërgjigje e të gjitha sanksioneve të konsideruara të paprecedenta ndaj Rusisë dhe zyrtarëve, biznesmenëve dhe bankave ruse.
“Në përgjigje të një sërë sanksionesh të paprecedentë… nga 15 marsi i këtij viti, ‘lista e sanskioneve’ ruse të marra në bazë të reciprocitetit, përfshin Presidentin J. Biden, Sekretarin e Shtetit A. Blinken, Sekretarin e Mbrojtjes L. Austin dhe Kryetarin e Shefat e Përbashkët të Shtabit M. Milley, si dhe një numër shefash departamentesh dhe figura të njohura amerikane”, thuhet në deklaratë. Kujtojmë se SHBA ka vendosur në javën që lamë pas sanksione të tjera ndaj Rusisë.
Discussion about this post