Mes njerëzve të shumtë të famshëm që zgjodhën Mykonos për pushimet e tyre këtë vit është Dolph Lundgren, i njohur gjerësisht si “rusi” nga filmi “Rocky” i Silvester Stallones.
Në fakt, aktori 65-vjeçar duket se ka festuar dasmën me të dashurën e tij 25-vjeçare, Emma Krokdal, në ishullin e erërave.
Nga postimet në rrjetet sociale, bashkë kanë qenë edhe dy vajzat e tij, Ida 27-vjeçare dhe Greta 21-vjeçare .
Në një video tjetër, një grup këndon dhe kërcen para një pishine, me pamje nga Mykonos, ndërsa mbishkrimi shkruan “urime”, me profilet e Dolph Lundgren dhe trajneres personale që u bë gruaja e tij.
Madje, në një foto të postuar nga vetë aktori në profilin e tij, ai është në pishinë duke përqafuar partneren e tij. Dikush e pyet në komente nëse është vajza e tij, por pikërisht poshtë i përgjigjet se “nuk do ta mbante kështu vajzën në krahë”.
Për t’i bërë gjërat më të qarta, Lundgren shkruan në mbishkrimin: “Nesër është dita“.
Discussion about this post