Lufta mes Ukrainës dhe Rusisë vazhdon të marrë shumë jetë. Ditën e sotme është zhvilluar raundi i katër i shkëmbimit të burgosurve, lajm i konfirmuar nga zëvendëskryeministrja e Ukrainës, Iryna Vereshchuk.
“Një tjetër, i katërti, shkëmbim i të burgosurve u bë sot me urdhër të presidentit Zelensky,” shkroi ajo në Telegram.
“Pesë oficerë dhe 17 ushtarë u liruan, si dhe tetë civilë, përfshirë një grua. Gjithsej 30 qytetarë tanë sot shkojnë në shtëpi”, tha ajo.
Detajet se sa të burgosur rusë u liruan në shkëmbim nuk ishin të disponueshme menjëherë, me Rusinë ende pa konfirmuar shkëmbimin.
Discussion about this post