Kryediplomati i Bashkimit Europian Josep Borrel ka bërë një parashikim të fortë për luftën në Ukrainë. Sipas tij, Rusia do të dalë e humbur nga kjo betejë, pasi po bëhet më e izoluar edhe pse agresioni i saj vijon të shkaktojë valë shpërthyese.
“Rusia do ta humbasë këtë luftë. Ajo po bëhet gjithnjë e më e izoluar, si moralisht ashtu edhe politikisht. Ne duhet të vazhdojmë të mbështesim Ukrainën”, tha ai të hënën.
Këshilli i Ministrave pritet të miratojë një mision ushtarak të trajnimit në Poloni për ushtarët e Ukrainës. Do të synohet miratimi për ndarjen e fondeve shtesë nga një Fondi Evropian i Paqes.
I pyetur për raportet rreth rimbursimit të kostove, Borrelli u shpreh se “paratë janë të mjaftueshme, mos u shqetësoni për paratë”.
Kievi u sulmua me dronë kamikazë mëngjesin e së hënës, derisa të paktën tre civilë ukrainas mbetën të vdekur.
Discussion about this post