Një pikë kalimi evakuimi për civilët që përpiqeshin të largoheshin nga rrethi Irpin në perëndim të Kievit u bombardua të dielën në mëngjes. Mediat ndërkombëtare po filmonin në vendndodhje kur një predhë artilerie ka rënë. Në atë moment një turmë civilësh po kalonte përmes postbllokut. Nuk ka detaje të reja për viktima.
Ministria ruse e mbrojtjes pretendoi se njësitë e saj po hapnin korridore humanitare për një periudhë prej pesë orësh për të lejuar familjet ukrainase të largoheshin.
Megjithatë, autoritetet ukrainase njoftuan se evakuimet duhej të anuloheshin sepse forcat ruse kishin vazhduar të sulmonin qytetet.
Discussion about this post