Presidenti Vladimir Putin është treguar i pamëshirshëm në sulmet ndaj Ukrainës duke mos kursyer as civilët. Mësohet se, një tren i cili ishte nisur për të evakuuar qytetarët nga Ukraina lindore u sulmua nga forcat ushtarake ruse, duke vrarë një punonjës, ndërkohë një tjetër është plagosur thotë kompania hekurudhore kombëtare e Ukrainës, shkruan BBC.
Treni u sulmua pranë stacionit Brusyn në rajonin e Donetsk, ku ishte nisur të merrte banorët që po evakuoheshin nga rajonet Donetsk dhe Luhansk në stacionin Lyman, duke përfshirë 100 fëmijë.
Kompania thotë se “po bën çdo përpjekje” për të evakuuar të gjithë pasagjerët dhe ekuipazhin e trenit, si dhe të evakuuarit në stacion. Më herët, rusët sulmuan bazën e stërvitjes ushtarake Yavoriv, afër kufirit polak, ku raportohet për nëntë të vrarë dhe 57 të plagosur.
Discussion about this post