Dëshira e Finlandës për anëtarësimin në NATO është përballuar me pasoja. Koncerni energjetik rus Inter RAO nuk do të furnizojë më me energji vendin fqinj.
Furnizuesi rus i energjisë Inter RAO, duke nisur nga dita e sotme nuk do të furnizojë më me energji elektrike rrjetin Fingrid në Finlandë. Arsyeja ka të bëjë me mos shlyerjen e pagesave përmes bursës së energjisë Nord Pol që nga data 6 maj.
Gjithashtu që nga kjo datë nuk kanë hyrë më pagesa në firmën ruse, raportoi Fingrid duke iu referuar një deklarate të Inter RAO. Nga ana tjetër, më tej thuhej se Fingrid nuk është përgjegjës për pagesat. Nord Pool nuk ka pranuar të prononcohet.
Energjia nga Rusia përbën vetëm rreth dhjetë përqind të konsumit të përgjithshëm dhe pjesërisht kjo mund të kompensohet përmes prodhimit vendas të energjisë.
Discussion about this post