Një ish-agjent i CIA tha se në Rusi kanë nisur lëvizjet për organizimin e një grushti shteti që do të rrëzojë nga pushteti Vladimir Putin, për shkak të luftës që ka nisur në Ukrainë dhe kërcënimeve se ky konflikt mund të bëhet global.
Sipas ish-kreut të CIA në stacionin e Moskës, Daniel Hoffman ky grusht shteti do të jetë i menjëhershëm dhe po organizohet nga persona pranë Putin që do ta gjejnë atë të papërgatitur kur ai të marrë jetë.
“Këta njerëz do të lëvizin në mënyrë sekrete dhe të menjëhershme përpara se Putin t’i zbulojë dhe t’i vrasë i pari. Gjithçka do të ndodhë papritmas dhe ai do të vdesë” u shpreh Hoffman.
Në krye të listës për të marrë kontrollin e Moskës është Nikolai Patrushev, shefi i Këshillit të Sigurimit të Putinit.
Alexander Bortnikov, drejtori i agjencisë sekrete të inteligjencës ruse FSB, mendohet gjithashtu të jetë një “oficer” që dëshiron të drejtojë Kremlinin.
Megjithatë, ndoshta zëvendësuesi më i mundshëm do të ishte Ministri i Mbrojtjes Sergei Shoigu, një aleat i Putinit, i cili ka pasur një rol shumë të dukshëm në konfliktin e Rusisë në Ukrainë.
Një tjetër ish-agjent i CIA-s, Ronald Marks, bie dakord se në Rusi mund të vendoset një udhëheqës i ri dhe shtoi se nëse Putini rrëzohet, Moska do të përfshihet nga kaosi për shkak të luftës për pushtet./Exspress
Discussion about this post