Putin kërkon të shtrijë edhe në europë luftën që ka nisur me Ukrainës. Voldymyr Zelensky pretendon se Rusia do ta përdorë mosfurnizimin e kontinentit me gaz si një armë për t’i dhënë evropianëve një goditje vendimtare. Sipas presidentit ukrainas, Rusia po nisë qëllimisht një krizë energjetike ndaj Evropës për të tensionuar edhe më shumë situatën, duke shtuar rrezikun për një luftë të tretë botërore. “Përveç tankeve dhe raketave, Rusia po përdor edhe energjinë si armë dhe këtë dimër po përgatitet t’i japë Evropës një goditje vendimtare në sektorin e energjisë. Transporti i gazit përmes Nord Stream është ndalur plotësisht. Rusia dëshiron të shkatërrojë jetën normale të çdo evropiani në të gjitha vendet e kontinentit tonë”, tha Zelensky.
Akuzat e liderit ukrainas vijnë pasi gjiganti shtetëror rus i energjisë Gazprom nuk i rifilloi dërgesat e gazit përmes tubacionit Nord Stream 1 mëngjesin e së shtunës siç ishte planifikuar. Kompania ruse pretendoi se tubacioni pësoi një rrjedhje në stacionin e kompresorit Partovaya. Zelensky u bëri thirrje evropianëve që të koordinohen me kundërmasat e tyre dhe të ndihmojnë njëri-tjetrin duke bërë thirrje për rritjen e presionit ndaj Rusisë. Beteja energjetike midis Rusisë dhe Perëndimit u përshkallëzua në mënyrë dramatike të premten.
Ministrat e Financave nga grupi G7 i demokracive më të industrializuara të botës, kërkuan krijimin e një sistemi që do të lejonte vetëm shitjen e naftës ruse me çmime nën tregun. Presidenti i Komisionit Evropian bëri thirrje gjithashtu për kufizimin e çmimeve të gazit rus. Qëllimi është të kufizohen të ardhurat e Kremlinit nga shitja e lëndëve djegëse fosile, e cila ndihmon në financimin e pushtimit të Ukrainës.
Discussion about this post