Rusia ka thyer sërish armëpushimin, duke nisur bombardimin e një tjetër qyteti në Ukrainë. Charles Stratford i Al Jazeera-s, duke raportuar nga Orikhiv, tha se dëgjoi shpërthime në afërsi të qytetit, të vendosur përgjatë korridorit humanitar që supozohet të lejojë kalimin e sigurt të civilëve nga Mariupol në Zaporizhzhia.
Mësohet se, dy predha mortajash goditën një pikë kontrolli për civilët që kalonin në Kyiv nga periferia e Irpin, ku tre persona u raportuan të vrarë, duke përfshirë dy fëmijë.
Oleksiy Arestovych, këshilltar në zyrën e Presidentit ukrainas tha: “Trupat ruse kanë plagosur shumë fëmijë dhe nuk lejojnë të evakuohen, pavarësisht apeleve të shumta në nivelin më të lartë shtetëror për të siguruar një “korridor të gjelbër” nga Bucha dhe Irpin. Ka shumë fëmijë në bodrume. Ka bodrume ku tani janë ulur 70 fëmijë dhe nuk po lirohen. Kjo është një katastrofë si nga pikëpamja humanitare dhe, mbi të gjitha, nga pikëpamja morale”, tha Arestovych, duke shtuar se çështja po diskutohet “në nivelin më të lartë me institucionet ndërkombëtare humanitare”.
Zyrtarët ukrainas thanë edhe dje se sulmet ajrore i kanë penguar banorët të largoheshin përpara se të fillonin evakuimet e dakorduara ku Putin e akuzoi Ukrainën për sabotim të përpjekjeve për armëpushim.
Një rund i tretë i bisedimeve midis Rusisë dhe Ukrainës do të zhvillohet të hënën, sipas Davyd Arakhamia, anëtar i delegacionit ukrainas por pa dhënë detaje shtesë.
Local residents look for cover as they escape from the town of Irpin, after heavy shelling on the only escape route used by locals, while Russian troops advance towards the capital of Kyiv, in Irpin, near Kyiv, Ukraine. @ReutersBarria pic.twitter.com/aI4loRi6N7
— Carlos Barria (@ReutersBarria) March 6, 2022
Discussion about this post