Ambasadori i Rusisë Vassily Nebenzia, në Kombet e Bashkuara ka pohuar se Ukraina mund të paguajë për armët perëndimore me furnizime me grurë.
Sipas Sky News, kjo vjen pasi shtetet më të varfra në botë shumë prej të cilave mbështeten tek Ukraina për produktet kryesore si gruri po përballen me një krizë ushqimore. Është raportuar se tonelata drithë gjenden në portet e Detit të Zi të Ukrainës, të bllokuara për shkak të pranisë së anijeve dhe minave të marinës ruse.
Prej disa ditësh në media qarkullon lajmi se bota do përballet me një krizë ushqimore dhe këtë e ka paralajmëruar dhe Sekretari i Përgjithshëm i Kombeve të Bashkaura Antonio Guterres.
“Përfundimi i urisë është brenda mundësive tona. Por nëse nuk e zgjidhim këtë problem sot, ne do të përballemi me spektrin e mungesës globale të ushqimit në muajt në vijim… Mundësia jonë e vetme për të hequr miliona njerëz nga uria është të veprojmë së bashku, urgjentisht dhe me solidaritet”, deklaroi Guterres të enjten e kaluar.
Discussion about this post