Nënë Liza, njëra nga banoret më aktive të lagjes së “5 Majit”, ka treguar prapaskenat e takimit me kryeministrin Edi Rama, ditën e djeshme në një nga zyrat e sallës së Kuvendit.
Në një prononcimin për mediat nënë Liza tha se autoritetet e Bashkisë së Tiranës e kishin marrë të mirëqenë që do të firmoste kontratën që kishin përpiluar ata, duke e kërkuar me ngulm në zyrat e tyre, por ajo refuzoi të firmoste duke iu thënë se nuk kishte kohë.
“Asnjë premtim nuk kemi. Rama më tha do ta japim shtëpinë. I thashë edhe dje, po të ma lënë gjysmë e ndërtoj vetë. Nuk kam dalë për sevap, unë ndihmoj veten. Sa dolëm nga Kryeministria, më morën të Bashkisë dhe më thanë ‘hajde se do firmosësh kontratën’. Fole me kryeministrin,” tha nënë Liza në fjalën e saj para mediave.
Kujtojmë se ditën e djeshme kryeministri Rama mori në ambientet e Kuvendin tre nga përfaqësuesit e lagjes “5 Majit” që Bashkia po iu shemb shtëpitë, por përveç showt mediatik nuk premtoi se do t’iu zgjidh ndonjë hall.
Discussion about this post