“Sa e rëndë, aq edhe qesharake”, kështu e ka cilësuar kryeministri Edi Rama situatën në selinë blu, shkaktuar nga lëvizja e ish-kryeministrit Sali Berisha. Duke komentuar situatën politike në vend, kreu i qeverisë u shpreh se nga viti i ardhshëm trajektorja e maxhorancës do të jetë krejt tjetër.
Rama tha se tani është momenti që të mos merret me opozitën, por ta bëjnë politikën mjet në funksion të qytetarëve.
“E mbyll me situatën politike, është një situatë që për mua ka vetëm një këshillë, mos u merr me ta mos u merr me këtë punë. Trajektorja jonë do të jetë krejt tjetër, duke nisur nga tani deri në fund të mandatit. Do bëj çmos të shkoj më afër njerëzve, që politika të bëhet mjet në funksion të njerëzve. Siç po i shohim frytet me rindërtimin ku nuk ka të majtë e të djathë, kështu do forcojmë sa të mundemi këtë marrëdhënie duke braktisur llogoren e përplasjeve absurde e konfrontimin me palë që nuk dinë ku kanë kokën e tyre. Situata është sa e rëndë aq qesharake, groteske ku marrëzia e egërsia bashkohen bashkë e janë fatkeqësi e madhe e ne nuk kemi asnjë mundësi”, u shpreh Rama
Discussion about this post