“Sa herë shikoj diellin…”/ Ilir Shaqiri tregon më shumë nga marrëdhënia e tij me bashkëshorten

Balerini i  njohur shqiptar, Ilir Shaqiri, na ka rrëfyer së fundmi më shumë detaje nga jeta e tij. Përveç karrierës ai nuk ka ngurruar të flas për marrëdhënien  me bashkëshorten. I ftuar mbrëmjen e djeshme në “Në Kurthin e Piter Pan 5”, ai ka bërë komplimentin më të bukur për Emanuelën, që në fakt çdo grua do donte ta dëgjonte nga bashkëshorti i saj. “Sa herë që shikoj diellin, unë mendoj gruan time. Sot, për fat të keq ra shi, nuk kishte shumë diell, por sot kemi një diell tjetër që është Fiter Bajrami, kështu që “Gëzuar të gjithëve dhe shëndet dhe mbarësi paçi”, u shpreh Iliri.

Më tej i pyetur se çfarë i mungonte në “Big Brother VIP” më shumë nga rituali i jetës së përbashkët me Emanuelën, Iliri u përgjigj: “Më mungonin shumë gjëra. Më mungonte fjala, më mungonte shikimi, më mungonte ëmbëlsia, por tani aty brenda shtëpisë ndodhin disa mekanizima që janë “anti-njerëzore” sepse ti transformohesh…”. Kujtojmë që çifti janë prindër të një vajze, Emily, e cila ka ndjekur rrugën e tyre të artit.