Kryetari i Partisë Demokratike, Lulzim Basha, ka reaguar pas deklaratave të bëra sot nga ish-kryeministri, Sali Berisha gjatë Foltores së organizuar nga Lidhja Demokratike e Gruas.
Në një postim në Twitter, Basha shkruan se është e trishtueshme se sa poshtë ka rënë Berisha, ndërsa shton që PD nuk do të jetë mburojë e interesave të tij personale.
“E trishtueshme kur dëgjon sa poshtë ka rënë Sali Berisha. Asnjë trillim, mashtrim, të thash e me the, nuk do ta shndërrojë PD në mburojë të interesave të tij personale“, shkruan Basha në një postim në Twitter.
Kujtojmë se ish-kryeministri Berisha deklaroi që burime amerikane i kishin bërë me dije se Basha i kërkonte ambasadores Yuri Kim që të bisedonin jashtë zyrës, pasi dyshonte se Berisha kishte vendosur përgjues.
Discussion about this post